Mig vantar vinnu

Þessi litla dúlla heitir Andrea Rós. Hún átti fimm ára afmæli í gær. Ég talaði við hana í síma og hún sagði mér að það hefðu fullt af krökkum komið í afmælið hennar og að hún hefði fengið fullt af pökkum. Mér þótti leitt að geta ekki verið með henni á afmælisdaginn en ég sendi fulltrúa mína, Möggu og Reynir, með gjöf frá mér í fullorðinsafmælisveisluna sem verður haldin á laugardaginn. 

Hugsa sér, fyrir tveimur eða þremur árum var hún svo lítil að hún gat setið inní þurrkaranum og dundað sér, en núna er hún líklega orðin of stór fyrir þurrkarann.

Af mér er allt gott að frétta. Ég sit á bókasafni skólans og er að reyna að upphugsa leiðir til að verða mér úti um peninga. Aldrei að vita nema ég sæki um einhverjar vinnur áður en dagurinn er úti. Það versta er að ég verð ekki í Wales mikið lengur og er ekki heima til að heilla atvinnurekendur uppúr skónum í atvinnuviðtölum. Ef þið vitið um einhvern atvinnurekanda sem vantar bráðskarpa og duglega stúlku í sitt lið þá megið þið senda honum eða henni nafn mitt og símanúmer. 

Adda vinkona átti líka afmæli í gær. Ég á enga mynd af henni, einnverra hluta vegna. Það er leitt því hún er mjög sæt.

Skál fyrir afmælisbörnunum!

 

Athugasemdir

[Óli Frændi (þessi með rauða hárið ekki hinn) (IP-tala skráð) 2.11.2007 kl. 15:01]

Já ég er búin að hugsa þetta með afmælisgjöfina og það er alveg afleit hugmynd hjá þér að gefa henni Rambo kall og vodkapela, ég var að hugsa meira svona dúkkulísur eða eitthvað slíkt. Enn annars gætiru svo sem fengið vinnu hjá mér við að þrífa, það veitir ekki af því

[Fanney Dóra Sigurjónsdóttir, 5.11.2007 kl. 12:23]

Hjá Akureyrarbæ vantar alltf góðar konur í vinnu :)

Missjú beibíkeik...

[adda (IP-tala skráð) 8.11.2007 kl. 01:06]

æ takk dúlla

þú ert líka sæt ;)

 ég þarf að fara að heyra í þér, það er allt of margt búið að ske og mig vantar að fá lánaða visku hjá þér..já þetta snýr að karlamálum.

já ég veit, ég lofaði en ég sveik. Svo að við þurfum að tala saman.

knús

adda