Það er fullkomnað

Í dag er föstudagurinn langi. Það er því varla við hæfi að segja hér sögur af veraldlegri velgengni minni undanfarna daga. Ég ætla þessvegna að fresta því um óákveðinn tíma að segja ykkur frá verðlaunum sem við Eva Rún Snorradóttir unnum fyrir mínútumynd í keppni sem var haldin á vegum Femínistafélags Íslands á dögunum. 

Í dag á faðir minn líka sjötugsafmæli. Ég fór á fætur klukkan átta og eldaði handa honum hafragraut á meðan hann hitaði kaffi. Í bernsku var hann neyddur til að borða alltof þykkan hafragraut og hefur síðan hann fór að ráða sér sjálfur alltaf gert sér graut sem er meira í ætt við súpu en nokkuð annað. Ég var búin að steingleyma því. Hann píndi samt í sig þessu þykkildi sem ég bjó til og sagði að á svona tímamótum ætti maður einmitt að minnast liðinna ára. 

En við skulum ekki láta léttlyndið grípa okkur um of, nú skulum við minnast pínu Krists á krossinum. Hér er mynd:

 

Athugasemdir

[eva run (IP-tala skráð) 21.3.2008 kl. 21:53]

elsku villa við söknum þín í húsinu. reyndar ég hálf vandræðalega mikið þar sem ég og friðgeir fórum á tónleika í gær og ég heyrði sprengjuhöllina syngja vilborg í öllum lögunum sínum. hafðu það gott á norðurlandinu. evarun

[Friðgeir Einarsson, 22.3.2008 kl. 20:06]

Já. Það er tómlegt án þín í húsinu. Til hamingju með föður þinn.

[Eva (IP-tala skráð) 23.3.2008 kl. 22:30]

Gleðilega páska  og til hamingju með gamla :)  hafðu það gott

[Áhorfandi (IP-tala skráð) 25.3.2008 kl. 09:20]

Skák.

[Karl Ágúst Þorbergsson (IP-tala skráð) 27.3.2008 kl. 11:14]

er þetta ekki full kristilegt, kona?