PPSD

Nú er sýningum á lokaverkefninu lokið, öll námskeið búin, BA ritgerðin skrifuð og metin, þessu námi fer bara alveg að ljúka. Ég hélt ég yrði hoppandi hamingjusöm um leið og öllu lyki en ég er með einhvern kvilla sem ég held að heiti post-performance stress disorder. Eða post-disformance stress per order, ég veit það ekki alveg. Hann lýsir sér í því að mér finnst ég eigi að vera á útopnu í stuttum kjól, og bandaskóm á hressum bar með svalandi drykk í hönd, Lionel Ritchie í eyrunum og léttan hlátur á vörunum. En mig langar mest að liggja í rúminu með bók, nartandi í döðlur og ávexti, fara reglulega í langar heitar sturtur og kæla mig svo með því að standa úti á svölum í baðslopp úr frotté og horfa á fjöllin og hugsa um eilífðina. Hér er mynd af ástandinu:

Athugasemdir

[Árni Viðar (IP-tala skráð) 17.5.2008 kl. 11:41]

Til hamingju enn og aftur. Ég skemmti mér mjög vel á sýningunni. Annars á ég fullt af bókum um svona raskanir. Það er ábyggilega hægt að finna eitthvað sem lýsir ástandinu þínu!

[Hannibal Garcia Lorca, 17.5.2008 kl. 20:44]

Lionel Richie hlýtur bara að hafa samið eitthvað gott döðlulag fyrir svona ástand ...

[Eva Vestmann (IP-tala skráð) 17.5.2008 kl. 23:39]

Til hamingju elskan :*

...ég held að þetta sé alveg eðlilegt ástand sko...

[Árni Kristjánsson (IP-tala skráð) 18.5.2008 kl. 19:16]

Kannski ættirðu að gera sýningu um þetta ástand. Skrifa 25 síðna ritgerð. Taka fullt af tímum næstu þrjú árin með átta manneskjum úr öllum áttum. Og þá kannski, ertu búin að rewind-a allt námið þitt og komin á reit þar ekkert getur tekið við annað en hlátur, gleði, óáfengir kokkteilar og ströndin.

[Fanney Dóra Sigurjónsdóttir, 20.5.2008 kl. 16:44]

Mig langar í þessa mynd uppá vegg hjá mér... svona fyrir ofan sjónvarpið. Þá get ég horft á hana þegar það er eitthvað leiðinlegt í sjónvarpinu. Eflaust á ég bara eftir að gefa sjónvarpið því ég á eftir að horfa svo mikið á þig. Ó þú.

[Fanney Dóra Sigurjónsdóttir, 29.5.2008 kl. 22:36]

Innilega til hamingju með útskriftina núna um helgina. Við Valdís munum pottþétt skála fyrir þér, en við verðum staddar í sumarbústað fyrir austan. Hlakka hrikalega til að hitta þig, sem verður vonandi sem fyrst! Kossar og knús til þín mín kæra ótrúlega klára og flotta vinkona! :-*

[Maggi feiti (IP-tala skráð) 30.5.2008 kl. 20:32]

ég mótmæli!

ég hef samt engin mótrök... :/