Hneykslanlegt!

Nú er ég búin að leita ljósum logum að hneykslanlegum fréttum á netinu, en ekkert hef ég fundið enn sem lætur mig langa til að hella úr skálum reiði minnar. Það er reyndar óþarfi að hella úr skálum reiði sinnar í hvert sinn sem maður fjallar um eitthvað á blogginu sínu, en vegna þess hversu glettin og gæskurík ég hef verið undanfarið langaði mig að breyta út af vananum.

Best að tala svolítið um blæðingar.

Í morgun ákvað ég að prófa í fyrsta skiptið að nota "keeper", eða svokallaðan álfabikar, í stað dömubinda. Ég keypti þennan álfabikar fyrir hálfu öðru ári síðan en hef alltaf guggnað á því að nota hann vegna þess hversu ógnarstór hann er (ég keypti óvart einhverja stærð fyrir konur sem hafa þegar eignast barn). En í morgun var neyðin stór, engin dömubindi til og engir peningar fyrir þeim heldur. Ég reif fram flykkið og setti það upp í leggöngin og viti menn, ég fann ekki fyrir honum. Ég sveif um í sigurvímu í svolitla stund, fannst ég vera mjög meðvituð, hagsýn og umhverfisvæn, alvöru kona. En svo kom að því að tæma bikarinn. Þá rann skyndilega af mér gleðin, það var eitthvað verulega ósmekklegt við að sækja ílát inn í leggöngin á sér, sulla kvartlíter af blóði á hendina á sér í leiðinni, skola allt saman og setja það svo inn aftur. Núna líður mér bara eins og ég sé með afskorið typpi inní mér sem blæðir úr.. 

Bíddu, yfir hvaða strik?

Athugasemdir

[Fanney Dóra Sigurjónsdóttir, 5.3.2007 kl. 14:24]

Lengi lifi Álfabikarinn sys! Með þessa elsku þarna uppi er hægt að gera nánast allt sem hugurinn girnist þá stundina... nánast allt...

[Vilborg Ólafsdóttir, 5.3.2007 kl. 16:05]

Magga: I am holding..
Fanney: Já ég ætla að gefa afskorna typpinu sjéns..
Elísabet: Þegar mesti hrollurinn fór úr mér, fór mér að finnast eins og ég væri umhverfinu til góðs á ný. Ég mæli með að konur prófi!:)

[R.B (IP-tala skráð) 5.3.2007 kl. 18:59]

...jahérna, ég er bara nokkuð fegin að vera karlmaður.

En ég styð þig heilshugar Vilborg mín! ...þó svo ég reyni kannski ekki að hugsa of mikið um þetta...ég er að fara að borða spagettí nebbla með tíðar....nei ég meina tómatsósu...úfff

Reynzi beautiful