Af kóladrykkjum og öðrum ósóma

Ég er hætt að drekka Diet kók. Núna drekk ég bara Pepsi Light. Ég geri mér fulla grein fyrir að ég er undir hælnum á fávísum risa en fíknin, hún er svona.

Ég hætti að drekka Diet kók af því að ég fór út í búð í gær, spes til að kaupa tveggja lítra flösku af drykknum og þær voru bara ekki í boði. Ég hef tekið eftir minnkandi framboði og áður en diet kók verður tekið alveg af markaðnum ætla ég að svissa yfir í annað kompaní. Enda hví, já hví ætti ég að halda tryggð við fyrirtæki sem svíkur mig á jafn hrottafenginn hátt og kókakólakompaní er að gera núna?

Best væri náttúrlega að hætta þessari kóladrykkju alveg.

Annar ósómi er í lágmarki.

 

Athugasemdir

[Fanney Dóra Sigurjónsdóttir, 26.4.2007 kl. 00:47]

Ég er hætt að drekka diet kók og kók læt útaf zero auglýsingunum.. ég er svo ýkt alltaf... finn mér utanaðkomandi afsökun til að hætta í kókinu... sko gosinu kókinu :)

[Dagný Rut Haraldsdóttir (IP-tala skráð) 26.4.2007 kl. 13:31]

Ánægð með þig! Ég er líka hætt að drekka kók útaf zero auglýsingunum!! Farin í vatnið... þó fyrr hefði verð.