Skapandi

Hér er mynd. Hún heitir annað hvort Hönd Guðs eða Farðu að sofa þreytta stelpa. Annars vil ég benda á að maðurinn Reynir Albert á líklega álíka stórt, ef ekki stærra sjálfsmyndasafn en ég.

Svo er hérna vísa líka, partur úr bálki sem heitir Guggurímur. Það er meira hvað ég er skapandi og free þessa dagana. Líklega er það vorið sem gerir mig svona. 

Gott er að gefa Gugga mín,
grætur þú í tusku?
Láttu engan sjá til þín,
elda-öskubusku- (rófan þín).

Annars er ég bara á fullu að vinna í lokaverkefninu mínu. Ég set hérna inn auglýsingu um sýningartíma bráðum. Já mjög bráðlega bara.

 

Athugasemdir

[Dagný Rut Haraldsdóttir (IP-tala skráð) 5.5.2008 kl. 22:46]

Fyrir mér heitir myndin bara Bláa höndin. Hlakka svo til að sjá sjálfsmynd morgundagsins. Jáójá.

[Vilborg Ólafsdóttir, 6.5.2008 kl. 16:44]

Ég get reddað þér ókeypis fari Magga, ekki fríkeypis, og svo fer ég ekki í pirrurnar á þér þegar ég leiðrétti þig, ég fer í taugarnar á þér. Og svo förum við ekki bílandi, við förum akandi eða keyrandi. Í guðs lifandi bænum...

(Ókeypis far fæst einungis gegn því skilyrði að þú komir hingað og farir aldrei aftur).  

[Karl Ágúst Þorbergsson (IP-tala skráð) 6.5.2008 kl. 21:38]

ansi er þetta lipurlega og um leið dýrt kveðið. Gaman væri að sjá þig takast á við módern ljóðið hér á alnetinu eins og þú gerðir svo eftirminnilega í veislu einni fyrir ekki svo löngu síðan, jafnvel ef þú birtir eitthvert ljóðið úr samtímaljóðabókinni eftir þig, og mig, sem er ný kominn út.