Á nýjum stað

Ég er á Borgarfirði eystri og verð hér restina af sumrinu. Ég hlakka til að fá ykkur sem ætlið að koma hingað í heimsókn og þið hin sem ekki eruð búin að boða komu ykkar, þið eruð líka velkomin.

Hér er mynd af mér á Borg. Í þessari stofu sat Kjarval og málaði til dæmis þessa mynd sem sést glitta í þarna á bakvið mig. Líklega leiddist honum bara vegna þess að flatskjárinn var ekki kominn þá. Núna myndi hann auðvitað bara liggja í sófanum og horfa á Scrubs og Everwood, í mesta lagi standa upp til að poppa.

Í gær fór ég í göngutúr með óþekka hunda. Þeir hlupu út um allt og nældu sér einhversstaðar í þurrkaðan þorskhaus, kúkuðu í annan hvern garð í þorpinu, stríddu öðrum hundi sem var bundinn og geltu á ketti. Kannski má ekkert fara með svona hunda ólarlausa í göngutúr. Ég held allavega að ég láti það vera þangað til eigandi þeirra kemur heim.

 

Athugasemdir

[Hjalti Þór (IP-tala skráð) 12.7.2008 kl. 00:50]

Vá, nútímatækni.

Bíddu.... varstu ekki að bjóða mér í te í miðborg Reykjavíkur um daginn? Var það einhverskonar lygi? Ertu að reyna við mig? ha? Er það málið? Er ég einhverskonar trúður í þínum augum?

Þú ert dulin manneskja Vilborg. Mjög dulin.

[Vilborg Ólafsdóttir, 12.7.2008 kl. 10:23]

Heyrðu Hjalti, ég býð þér í kaffi hingað í staðinn. Eða te, ef þú vilt endilega te, en ég vara þig við, hér er bara til einhver pickwick viðbjóður. 

[Brynjar Jóhannsson, 18.7.2008 kl. 03:40]

 Mig langar að leiðrétta þig varðandi eitt.

Allt fyrir utan miðbæinn er Síbería svo tæknilega séð ertu í Síberíu eystri

[Fanney Dóra Sigurjónsdóttir, 20.7.2008 kl. 11:08]

http://www.mbl.is/mm/folk/frettir/2008/07/20/bannad_ad_syna_life_of_brian/