Nýr klúbbur lítur dagsins ljós

Ég er búin að stofna prjónaklúbb, hann hefur hlotið nafnið Höldum áfram. Enn sem komið er er ég eini meðlimurinn en látið mig vita ef þið viljið vera með, ég fer yfir allar umsóknir eins fljótt og auðið er. 

Reglur klúbbsins eru eftirfarandi:

1. Aldrei að laga neitt sem fer úrskeiðis.
2. Aldrei að viðurkenna mistök.
3. Aldrei að byrja upp á nýtt.
4. Alltaf að renna blint í sjóinn með ný verkefni.
5. Alltaf að gera meira en maður kann eða hefur hæfileika til.

Hér er mynd af stelpunni með á prjónunum. Þetta verður örugglega peysa. 

Athugasemdir

[Valdís Anna Jónsdóttir, 18.8.2008 kl. 18:09]

Já!!! Þetta lýst mér vel á!

 Ég sæki hér auðmjúklega um inngöngu í hinn ágæta prjónaklúbb, höldum áfram.

kveðja

Valdís Anna;)

[Fanney Dóra Sigurjónsdóttir, 18.8.2008 kl. 18:33]

Vá.. þú ert efnileg. Hlakka til að sjá þessa peysu.

Stefnir allt í það að ég verði í Rvk en komi aftur 30. þar sem kéllan ætlar ekki að missa af Akureyrarvökunni. Voða leitt að missa af þér, því ég miss you. já, kannski ég fjárfesti í húmor í Ikea í leiðinni... 

[Gunnhildur (IP-tala skráð) 19.8.2008 kl. 00:32]

Mér líst vel á þetta hjá þér. Að mínu mati er þetta rétti andinn í prjónamennsku: Ég sé mér þó ekki fært að svo stöddu að sækja um í klúbbinn en ég myndi gjarnan vilja vera velunnari hans. Sæki hér með um það.

Annars sat ég í þessari sömu stofu fyrir nokkrum árum og prjónaði lon og don. Prjónaði þar kjól, legghlífar og ermar. Mjög metnaðarfull atvinnuprjónamennska þar. Vissi einmitt ekkert hvað ég var að gera og renndi nákvæmlega blint í sjóinn. Það var gaman.

Hafðu það gott á Borginni.

Gunnhildur

[reynzi beauty (IP-tala skráð) 20.8.2008 kl. 02:07]

ég skal vera á bekknum

[Vilborg Ólafsdóttir, 20.8.2008 kl. 20:15]

Valdís má vera með. Fanney líka, þótt hún hafi ekki sótt um það með formlegum hætti. Reynir, þú verður að prjóna þótt þú kunnir það ekki og Gunnhildur má vera velunnari númer eitt, sérstaklega ef hún sendir peninga.

[Fanney Dóra Sigurjónsdóttir, 22.8.2008 kl. 08:44]

Vilborg ertu ekki alveg brjáluð yfir því að meirihlutinn í rvk-borg hafi stolið nafninu á prjónaklúbbnum???

[Karl Ágúst Þorbergsson (IP-tala skráð) 22.8.2008 kl. 21:18]

ég fór á vilborg.blog.is áðan og las færslur þar sannfærðum um að þetta væri þitt blogg. En svo var heldur betur ekki. En ég sæki hér með um í prjónaklúbbnum. Ég er ennþá með trefil inn í skáp sem ég byrjaði á fyrir 3 árum.

[mamma (IP-tala skráð) 24.8.2008 kl. 22:32]

minnir dálítið á sjópoka.

[eva run snorradóttir (IP-tala skráð) 25.8.2008 kl. 11:50]

ég vil vera með. getum við haft bundið fyrir augun og setið í hring svo þegar tónlistin stoppar þá skiptast allir á prjónaverkefni?