Á slóðum skálda

Ég fór í fyrsta skiptið í Sigurhæðir í gær, gamlan bústað heiðursborgarans og þjóðskáldsins MC M.J. Um leið og ég steig fæti inn fyrir þröskuldinn byrjaði ég að hugsa í stuðlum og rími. Það var dásamleg reynsla.

Óður til músanna á Sigurhæðum.

Mikið eiga mýsnar bágt
og mæðulegar margar,
læðast hér um loftið lágt
er lævís mávur gargar. 

Ó visnu mýs, ég vísast mon
veita ykkur ráðning.
Þið þekkið ei þann þjóðarson
sem þoldi hérna þjáning.

Óður til roðamauranna á Sigurhæðum.

Roðamaurum ryðja ber
rauðar litlar klessur,
Eins og klúr og kraftlaus her
kómúnistalessur.

Upp ég skæða herör sker
skola allan saurinn
Veinin óma vangefeð
varnarlaus er maurinn.

Þessi sumarvinna lofar góðu. Ég skemmti mér vel og sólin er farin að skína á veröldina mína, allt er í þessu fína. 
Lifið heil. 

 

Athugasemdir

[Ása lesbískmótorhjólaástarmakakona þín (IP-tala skráð) 30.5.2007 kl. 22:57]

Ég ætla að koma í vinnuna til þín og þá skulum við kveðast á, það er keppnis !

[JÓ (IP-tala skráð) 31.5.2007 kl. 11:27]

Hef ákveðið að fresta næstu ljóðasamkeppni um óákveðinn tíma, a.m.k. þar til þú ert hætt að hugsa í stuðlum og rími. Ég stefni að því að vinna næstu keppni.

[Fanney Dóra Sigurjónsdóttir, 1.6.2007 kl. 11:20]

SKNÍLLD! Afar hressandi ljóðagerð hér á ferð. Roðmaurablúsinn er fegurri að mínu mati, svo eitthvað ódauðlegt og smart.

Takk fyrir frábært actionary kona! Bíð í ofvæni eftir að taka leik með þér á ný :)