Mín er alltaf lærandi

Ég er náttúrulega í háskólanámi, fyrir þau ykkar sem vitið það ekki. Ég er í framhaldsnámi í krítískum hugvísindum sko. Ég er ekki bara hangandi í Hamraborginni á kaffi Katalínu allan daginn sko. En ég glata ekki gamanseminni þótt ég sé lesandi allan daginn. Stundum lít ég upp úr bókunum og sem skrýtlur. Hér er dæmi um eina slíka:

Hertoginn gekk inn í herbergið, stansaði í dyragættinni og beið þar til allra augu voru á honum og mesta skvaldrið var þagnað. Sælir herrar mínir, sagði hann þá af miklum myndugleik. Ég sé að hér er verið að snæða. Af stærð salarins og fjölda ykkar get ég mér þess til að hér fari fram veisla. Hann horfði í kringum sig, leit á mennina og sagði svo: Af klæðaburði ykkar og skeggvexti að dæma eruð þið samansafn af betlurum, flækingum, brjálæðingum og ofbeldisseggjum, en mér er sama, ég er svangur og veisluhöld eru mér að skapi. Færið mér vín! Sagði hann svo, hátt og snallt og rétti fram höndina í þesskonar stellingu að ætla mætti að hann héldi þá þegar á bikar, barmafullum af víni. Þá tók til máls krypplingur einn sem sat við háborðið:
- Nei herra, sagði hann.
- Nú? Hversvegna ekki?! Þrumaði þá hertoginn sem hafði aldrei fyrr heyrt aðra eins vitleysu.
- Þér eruð með holdsveiki.

Athugasemdir

[Heiðar (IP-tala skráð) 15.2.2009 kl. 16:45]

Hahahaha. Þetta er steikt, en ég kann við það.

[MaggaStína (IP-tala skráð) 22.2.2009 kl. 00:00]

Ehhhhhhheehheeehhhhhhhh.. hóst.... eeeeeehh.

Steikt doesn´t even begin to describe it, honey. 

[Lárus Gabríel Guðmundsson, 25.2.2009 kl. 23:54]

Athyglisvert :) Holdsveiki hertoginn...hmmm...kannski smá gáta ?