Ung og falleg

Í dag langar mig bara að birta mynd af sjálfri mér. Ekki útaf neinu sérstöku. Ekki til að segja neitt sérstakt. Mig langar bara að birta hana því mér finnst ég svo falleg á henni, þótt það sjáist reyndar ekki almennilega allt andlitið á mér. Mér finnst hárið á mér bylgjast á svo undursamlegan hátt og vangalínan vera svo mjúk. Svo er ég með svo langan háls og granna handleggi. Á þjóðskrá er hægt að fá vottorð þess efnis að maður sé einhleypur. Ég ætti kannski að rölta þangað niðureftir á morgun, smella mér á eitt svona vottorð, skella svo í eina köku og bjóða svo fólki að fagna með mér formlegri viðurkenningu ríkisins á því að ég er ein-stök. Ég verð það örugglega ekki lengi enn, einmitt þessvegna ætti ég að drífa í því, er það ekki?

 

Athugasemdir

[MaggaStína (IP-tala skráð) 2.4.2009 kl. 13:10]

Ég er alveg sammála. Þú ert ljómandi falleg. Þú ert það nú alltaf, hvort sem þú snýrð andlitinu til vinstri, fram eða hægri. Já og afturábak.

Ásgeir Kolbeins er víst einheypur á ný. Las það á dv.is.  

[Vilborg Ólafsdóttir, 2.4.2009 kl. 16:53]

Jii, ég ætti að gera seríu með sjálfri mér, snúa andliti mínu á alla enda og kanta. En já, með Ásgeir Kolbeins, ég hef heyrt að hann sé rauðhærður. Ég veit ekki hvort ég meiki það.